Shekhar Koirala, Deuba Question: Oli are abusive?

भिडियो हेर्न तलको बक्स भित्र क्लिक गर्नुहोस

शेखर कोइरालाको प्रश्नः देउवालाई गाली गर्ने ओली को हुन् ? 

१२ चैत, काठमाडौं । नेपाली कांग्रेसका नेता डा. शेखर कोइरालाले एमाले नेताहरुले कांग्रेसलाई नैतिकताको पाठ सिकाउन नमिल्ने बताएका छन् । डा. कोइरालाले एमाले दुनियाँकै अराजक र अप्रजातान्त्रिक पार्टी भएको बताए । 

शनिबार नेपाली कांग्रेस ललितपुर क्षेत्र नं २ को क्षेत्रीय सम्मेलन उदघाटन गर्ने क्रममा डा. कोइराला एमालेविरुद्ध निकै कडारुपमा प्रस्तुत भए ।

 उनले एमालेले मेचीकाली अभियानका नाममा निर्वाचन विथोल्ने खोजेको आरोपसमेत लगाए । डा. कोइरालाले भने- ‘सुदुरपश्चिममा पुगेर हाम्रा सभापति शेरबहादुर देउवाजीलाई तथानाम गालस्ी गर्ने केपी ओली को हो ?’ 

कांग्रेस नेता डा. कोइरालाले मधेसी मोर्चालाई सहमतिमा नल्याई गरिने चुनावले देशलाई विखण्डनतिर लैजान सक्ने बताए । 

कांग्रेसको क्षेत्रीय सम्मेलनमा डा. कोइरालाले एमालेका करिब ३ दर्जन कार्यकर्तालाई टीका लगाएर कांग्रेसमा प्रवेश गराएका थिए ।

 कार्यक्रममा प्रजातन्त्र सेनानीहरुलाई समेत सम्मान गरिएको थियो । सम्मेलन उदघाटनमा कांग्रेस नेता चन्द्र महर्जन, उदयसमशेर राणा, रामकृष्ण चित्राकार लगायतले मन्तव्य व्यक्त गरेका थिए ।

 २०७३ चैत १२ गते १८:४६ मा प्रकाशितओन्लैन खबर बाट सबार गरियको